27.04.07

Wann de Spiälmöpps düör de Stroaten treckt
Dat is so wunnerschön!
Aale Lüde hauch de Hälse reckt,
Halli hallo de Hälse reckt,
Wann't klinkt düor Stroat un Grön!

Aale Blagen laupt der niäbenhiär,
In glieken Schritt un Tritt.
Bi Sunnenschien of Riägenwiähr,
Halli hallo of Riägenwiähr,
Se trampelt wacker met!

Bit Schüttenbeers un alle Fest'
De Spiälmöpps buaben an!
Et klappt un klingt up't allerbest,
Halli hallo up't allerbest,
Stramm stoaht se iähren Mann!

In Witte Bucks un buten Rock,
Marscheert se stramm harut!
Van wieden blitzt de Tambourstock,
Halli hallo de Tambourstock,
So geiht joahrin, joahrout!

So sall et sie'n  un wiedergoahn,
In Friäd un Eenigkeit!
In Trü will wi bieneene stoahn,
Halli hallo bieneene stoahn,
So lange es et geiht!